نشاطات الجوالة والخدمة العامة بمعهد راية العالي

نشاطات الجوالة والخدمة العامة بمعهد راية العالي

طب يعني ايه جوالة؟ 🤔
وإيه هيا مجالاتها؟ ✌️
وهنستفاد إيه ؟
طايب واحدة واحده بقي عليا ✔️ يعني ايه جوالة ؟
* تبدأ الكشافة بمرحلة الأشبال .. ويسمى العضو حتى سن 12 سنة ( شبل )..
* من سن : 12 : 15 يطلق على العضو ( كشاف ) ..
* من سن : 15 : 18 .. ( كشاف متقدم ) ..
* الجوالة من سن : 18 : 24 ودي أكبر مراحل الكشافه 💪
* وتعرف الكشافة بأنها :
* حركة تربوية تطوعية غير سياسية .. مفتوحة للجميع دون تمييز في الأصل او الجنس اوالعقيدة .. وفقاً للهدف والمبادئ والطريقة التي عبر عنها مؤسسها ..اللورد الإنجليزى / بادن باول ..
✔️ايه هي مجالاتها؟
*بص بقي يا سيدي الجوالة بتهتم بكل مجالات الحياة بتعمل فرد متوازن من غير ما جانب يأثر علي التاني :
1️⃣ المجال الكشفي “وسع بقا ” : ده بقي الأساس بتاعنا ولعبتنا اللي بنتعلمه من أول يوم ليك في الجوالة👌 واللي من خلاله بنقدر نعمل العقد والربطات وعمل الكادجات (السرير المعلق ..دولاب ..جزامه ..منشر) وازاي تقدر تعمل كرسي من خشب وأحبال بس 💪 وأكيد طبعا الغزل والحلواني ..
….
2️⃣ المجالات الثقافية : وفيها بنهتم بعمل المجلات والملصقات🗺 ومسابقات الشعر والقصص القصيرة 🗣ومعرض كتاب والندوات والمؤتمرات وورش العمل والكورسات ..

3️⃣ المجالات الدينية : وفيها بنعمل مسابقات حفظ القرآن والأحاديث النبوية وأبحاث دينيه وإنشاد ..

4️⃣ النشاط الفني :
بنقدر من خلاله نتعلم ازاي نرسم علي الزجاج🍶 ونرسم علي الجلد (الحرق) والطباعه علي القماش ونشتغل أركت (النحت علي الخشب😉 ) و طبعا الكروشيه وشغل المكرمية وطبعا شغل الخرز من عقد وسلاسل وميداليات وخواتم وأساور
وتتعلم ازاي تقدر تعمل بوصله وتحدد الاتجاهات وتحدد اتجاه القبله وتقيس المسافات من غير أي أجهزة وانتا واقف في الشباك مثلا 😁
….
5️⃣ مشاريع الخدمة العامة والمشاركة المجتمعية :
ده بقي ياسيدي الشغل الطبي بتاعنا بنعمل قوافل طبية وغير حملات التبرع بالدم ❤ وزيارات دار الأيتام 👨‍👩‍👧‍👦 وحملات تجميل الكلية والجامعة..

6️⃣ السمر بقي واغانيه وحركاته:
يعني تمثيل .. غنا .. حركات.. تأليف اغاني واسكتشات وفرحه وتفريغ لكل همومك ..

✔️ طاااايب هنستفاد ايه ؟

لا بقي بعد اذنك بعد الكلام اللي فوق ده كله لسه هتسأل هتستفاد ايه 😵
فمن ناحيه انك هتستفاد ف انت هتستفاد كتير من خلال المجالات دي او انك هتقدر تكسب ناس جديده كويسة بتساعدك في اي حاجه سواء جوة الكليه اوبره وصحاب في ضهرك ع الحلوة والمرة💪 ده غير الحاجات الجديده اللي هتتعلموها..
….
وفي الاخر كده بقي لوعندك اي ميول فنية أو ثقافية أو كشفية أو فكاهية أو معندكش اشطا برضو 😉 او لو حاسس ان عندك مهارة ولسه ما اكتشفتهاش تقدر تقدم معانا ❤
تتوجه لمكتب رعاية الطلاب

اترك تعليقًا

لن يتم نشر عنوان بريدك الإلكتروني.

انتقل إلى أعلى