جولة في جوجل (الجزء الثانى)

جولة في جوجل (الجزء الثانى)

مبني جوجل والخدمات المقدمة للموظفين:

1- المساج:

من الحاجات المشهورة بيها جوجل هو وجود مقدمين خدمات مساج طبي محترفين لتقديم المساج للموظفين

2- الجيم:

في كل مبني يوجد جيم كامل متكامل زي اللي موجود في أي جيم احترافي. مش كده وبس, وبيبقي فيه حاجات زي Cross Fit وأي حاجة من اللي موجودة في أي جيم من الدرجة الاولي .

3- طبيب في المكان

4- سبا للموظفين

5- غرفة خلع ملابس و استحمام, الخ

6- مطاعم:

في كل مبني, فيه أكتر من مطعم وكل مطعم فيهم فيه قائمة طعام بتتغير بشكل يومي لتقديم طعام مختلف من دول مختلفة حول العالم!

كل مطعم دائما موجود فيه طعام يرضي اذواق كتير (حلال, كوشر, نباتي, الخ)

الطعام متوافر فطار وغداء وعشاء مجانا 100% للموظفين, والموظف كمان قادر على اصطحاب ضيوف أكتر من مرة شهريا .

7- غرف نوم:

فيها أجهزة Zero Gravity علشان لو حد محتاج يرتاح شوية .

8- أماكن لعب:

مابين بلياردو, بنج بونج, بلاي ستيشن وحاجات تانية كتير .

9- مطبخ متكامل:

فيه ماكينات قهوة, لبن, عصائر, مشروبات غازية, فواكة, زبادي, مواد افطار زي الكورن فليكس وخلافة, snacks مختلفة (شوكلاتة, gummy bear,الخ)

10- اماكن الحصول على المساعدة التقنية:

الطريقة الأساسية للحصول على أي ادوات (ماوس مثلا أو شاشة) بتبقي من خلال موقع شراء داخلي. ونفس الكلام لو فيه عطل مثلا.

بس أحيانا, الموظف بيحتاج حاجة بشكل سريع.

فيه أماكن فيها الحاجات البسيطة وماكينات اوتوماتيكية للحصول على الحاجات ديه.

11- أماكن استرخاء:

بيبقي فيه دائما أماكن في اخر ادوار بتطل على مناظر رائعة للاسترخاء وللي عايز ياكل فيها

12- ممكن اصطحاب الحيوانات الاليفة

13- خدمات اخري: زي خدمة غسيل و كي الملابس، شحن العربيات الكهربائية، الخ

جولة في بيئة العمل في جوجل كتجربة عملية 

بصفتي واحد اشتغل في أكتر من مقر لميكروسوفت في امريكا والصين, واشتغل في أكتر من مقر لأمازون في امريكا والصين وانجلترا, واشتغل في أكتر من مقر لشركة بوكينج في هولندا, وحصل على عرض من فيسبوك (كان شامل جولة في خدمات المبني وال benefits), حتي الأن, اجد جوجل افضلهم سواء من حيث ال benefits العامة أو الخدمات اللي في المبني OnSite .

اترك تعليقاً

لن يتم نشر عنوان بريدك الإلكتروني.

انتقل إلى أعلى